وابـتـدا المـشـوار
فرحة عارمة فرحة حقيقية من القلوب لإنجاز جديد يحقققه رجال طوخ المعمورة ، لحظة ستراها في بعض الصور وملامح الفرح بادية على وجه كل طوخي أصيل ، الصور لرجال طوخ وهم يستلمون موقع الحضانة القديمة ( وحدة الشئون الإجتماعية لقرية طوخ - الضمان ) المجاورة للسنترال .
رجال طوخ ابتدا المشوار مشوار البناء والتعمير بعد التخطيط والتفكير والتدبير ، سنبني بعون الله ( مجمع طوخ ) ، سترون بعون الله البنك ومكتب التموين والسجل المدني .. ، فنحن أبناء طوخ ورثنا التحدى ورثنا حب الأوطان من رجال رحم الله من توفاه وأطال الله في عمر رموز العطاء الطوخي الكبار ومتعهم بالصحة والعافية.
الف مبروك لنا جميعا لكل طوخي بطوخ البلد والقاهرة والأسكندرية وأسوان والبحر الأحمر والغردقة وجميع أرجاء مصرناالغالية ، ولا ننسى أبناء طوخ بالكويت والسعودية والإمارات والسودان وكل بلدان العالم مبروك للجميع ولنبدأ العمل ... وغدا سنحكي كيف كانت البداية
معلش يا أبومحمود عارف المكان غالي عليك .. بس انت عارف ان طوخ لو طلبت عيونا مش حنتأخر .. مش برضك من جوه فرحان
كله فداكي يهون يا معموره حنشيل ونشيل وبعون الله لازم نبني المجمع
أشيل يا شيخ .. اصبر شويه يا أخي الأول نقرأ الفاتحة على أرواح كبار طوخ رحمهم الله جميعا وأدخلهم فسيح جناته .
كنت متعود على المكان والجسر والقهوة .. بس أنا والله العظيم فرحان دي برضه طوخ الوطن والأهل والزمان والمكان ، أدخل وأساعد الشباب
الف مبروك عليكم واحنا فرحانين ليكم وربنا يجعل طوخ عامرة بشبابها ورجالها وكبارها والف مبروك
تسلم ايد الشيوخ واحد يشيل والتاني يشرب شاي، نحبكم ونحترمكم وعاهدنا الله من زمان على علي أن نصلي خلف الإمام ( الشعب والشيوخ ايد واحدة)
الف مليون مبروك يا طـوخ يا بلدي .. حشيل الطاولة ومش حتأخر والله العظيم أحبك يا طوخ
خد يا عم الحاج الدفتر ووسع عشان عاوزين نبني .. طب ده انا أول واحد حتلقوني يوم البناء دي طوخ ومبروك علينا جميعا
بسم الله والله وأكبر على رجال وشباب طوخ .. بارك الله فيكم واحنا فخورين وفرحانين بيكم
أفرح الأول وبعدين أستأذن من الشغل وأجي أشتغل وكله للمعموره يهون ومبروك يا أهل طوخ
الكل فرحان الكل شغال طوخ أغلى الأوطان
وانا كمان أطلع في الصورة تعالى ياعم ( ناس عليها الشجر وناس تاكلها صور) بس برضه لازم اشارك في الصورة وأسجل حبي للمعمورة
صورة تغني عن الكلام رجال طوخ كلهم عزيمة واصرار وقولنا حنبني وان شاء الله حنبني.. ونعمر.. وللمعموره حنكبر ونهلل
المقر الجديد لوحدة الشئون الإجتماعية
جمعية شباب طوخ للتنمية
ليست هناك تعليقات:
إرسال تعليق
شارك برأيك