الكاتبه القبطيه شيري جوزيف

الكاتبه القبطيه شيري جوزيف

 

1. هو اللى قتل ال25 جندى الاخوان ؟ _لا دا واحد محكوم عليه بالإعدام فى قضية أحداث تفجيرات دهب وطابا كان هارب من الحكم وقام بتمثيل الجريمة.
2. والراجل اللى بيحدف الناس من عالسطح اتحقق معاه؟! _لا بس حلق دقنه وطلع معاه كارنيه حزب وطنى.
3. والكنائس معدتش بتتحرق ليه مع ان مظاهرات الارهابيين لسه شغاله ؟! _اصلهم مسكوا البلطجية اللى كانوا بيحرقوها.
4. هو تفويض الحرب على الارهاب نضف سينا من الارهابيين؟!... _لا بس كفاية انه فض اعتصام رابعة والنهضة.
5. اه صحيح هم لقوا السلاح الكيماوى اللى كان هناك؟ _لا بس كان فيه صندوق فيه سلاح جوه ، والجماعة الهبل سابوه وخرجوا يحدفوا بالطوب !!
6. هو سد النهضة اتوقف خلاص ولا لسه؟ _لا لسه اصلهم رافضين المفاوضات مع الحكومة.
7. وايه اخبار الحكومة والكاريزما والحاجات دى؟ _ رئيس كاريزما كاريزما يعنى ووزراء زى الفل خصوصا وزارات الداخلية والبترول والكهرباء .
8. طب اخبار زواج القاصرات اللى كانوا بيقولوا عليه ايه؟ هههه كان فيه من يومين فرح طفلة فى خامسة ابتدائى من السنبلاوين!!
9. واخبار منظومة التموين ؟ _بيوصل ناقص ورغيف العيش مايتاكل بس اصبر كله هيتظبط.
10. واخبار الكهربا ...بتقطع لسه ولا خلاص؟ _اه بتقطع تانى زى الاول بس فيه ضغط على المحولات.
11. واخبار الاقتصاد ايه اظنه منتعش اليومين دول؟ _بصراحة البورصة بتخسر والسياحة واقفة تماما وفيه مصانع قفلت وشركات خسرت والاحتياطى النقدى انخفض بس دة طبيعى بعد اى ثورة.
12. طب ليه ما يعملوا وقفات احتجاجية وفئوية؟ _لا طبعا الكلام دة ايام مرسى دلوقتى احنا عاوزين البلد تمشى بقى
13. وايه اخبار الوضع الامنى؟ _البلطجية فى الشوارع وفيه حالة طوارىء وحظر تجوال بس دى فترة معينة.
14. وايه اخبار الانقسام الشعبى ، انتهى ؟ _لا هو زاد الصراحة ومفيش حد عايز يتنازل عن وجهة نظره.
15. طب تسليم السلطة حددوا معاده ولا لسه؟ _لا لسه بس اهو اختاروا لجنة خمسين غير منتخبة لتعديل نفس الدستور المعترض عليه.
16. وياترى استكملتوا اهداف ثورة يناير؟ _بالنسبة للعيش فكل حاجة بقت غالية وبالنسبة للحرية فمبارك خرج براءة وبالنسبة للعدالة فالحد الادنى والاقصى بيناقشوه لسه ومفيش اقصاء لاحد بالمرة!!
17. هو شفيق رجع مصر ولا لسه؟ _لسه بيأدى مناسك العمرة.
18. طب والبرادعى؟ _لا دا طلع خاين وهيتحاكم يوم 19 سبتمبر.
19. سيبك من كل دة المهم العالم كله منبهر بالثورة صح؟ _هو الصراحة مفيش حد معترف بيها غير السعودية والامارات واسرائيل.

 

طب وبعدين؟؟؟؟ _ياعمى المهم مرسى مشى