الأربعاء، مايو 18، 2016

الاستاذ زين العابدين يكتب: قالوا عليك



قصيدة بعنوان قالوا عليك

قالوا عليك كلام كتير
بس إحنا ليهم مش سامعين
قالوا ولادك هجروكى
سافروا البلاد وفاتوك
والله هما ما تركوك
فى كل حين يفتكروك
وقولى رب يسبلمهم
أصل المعايش تعبانة
والدنيا دايما وخدانة
والمعيشة عايزة كتير
وانت يابلدى قلبك كبير
وقولى رب يسلمهم
نفسى أعلم أولادى
ويكونوا فايدة لبلادى
ويخدموكى سنين وسنين
دى حاجة حلوة ياسيادى
وقولى رب يسلمهم
نفسى أشوف بلدى قوية
وأبنائى فى أعلى كلية
وأعيشهم عيشة هنية
وتكونى دايما مرضية
وقولى رب يسلمهم
نفسى أراك منصورة
وما أشوفش عيونك مكسورة
يابلدى ياحلوة ياأمورة
ده أنت طوخ المعمورة
وقولى رب يسلمهم
مهما بعدنا شهور وسنين
حبك يابلدى شوق وحنين
ولغيرك أنت مش طايعين
وبعون الله ليك راجعين
وقولى رب يسلمهم



ليست هناك تعليقات:

إرسال تعليق

شارك برأيك