الانبـوبه ......الحلم المستحيل
طـــــــول النهار انا مستنيها والليــــــل كله بفـــــــكر فيها
نفسي امسكها بايدي واشيلها
ومن عيــــــون الناس اخبيها
عنيد حلمي وصعب انا عارف
بس مسيـــــري راح افوز بيها
هي الانبـــوبه زعلانه منــي
ولا مــــــاليش حــــــق انا فيها
هي سامعه ولا بتتقـــــــل
ولا الكوسه ضــــــاغطه عليها
ولا يكنش غازها المصري
نسي وطنيته وسايـــــــق فيها
الانبوبه بتبكي سامعها
والا نسان بيســـــمسر فيـــها
عشنا وشفنا شـــــعب
يعاقب علشان ثوره قام بيـــــها
يافلول كفايه حرام مصرنا
رجعت عايزين تاني ايه منيها
طول النهار انا مستنيها
والليل كله بفـــــــــــــكر فيها
بقلم / محمد عبد الحميد
ليست هناك تعليقات:
إرسال تعليق
شارك برأيك