كراسة و قلم

إلى أرواح اطفال اسيوط الأبرياء

كراسة و قلم

*********

بابا انا عايز ..... كراسه و قلم

انا عايز اتعلم ... اكون محترم

اكون دكتور .... يداوي الألــم

او يمكن ضابط ... يحيي العلم

بابا انا عايز ..... اكون محترم

******

انا كنت ف حالى ..... أعد الرقم

و ارسم لوحه .... و اكتب ( كرم)

و اعرف ديني .... و اعزف نغــم

عظيمه يا مصر.....يا أرض النعم

يا مهد الحضاره .... يا نبع الكرم

بابا انا عايز  ..... اكون محترم

******

في لحظه يا بابا .... صوتي انكتم

كان عندي حلم ... في لحظة انهدم

كان عندي خيال .... في ثانية انعدم

داسوا احلامى ...... بكعب الجزم

بابا خلاص ...... انا جسمي اتفرم

********************

احمد نجيب