سنين
الغربة
عّد سنين
الغربة ياخال ** فكرلحظة ياعم فىحـــــــالك
دا ليل الغربة
مهما طال ** مسيرك ترجع يوم لعيـــــالك
وعّد سنين الغربة ياخال
عّد أحزانك وأوزن دمعك ** يا عينى فى الغربة حينطفى شمعك
ومهما تقول والنبى فاهمك ** ما أنت خلاص عبدت المال
وعّد
سنين الغربة ياخال
عّد كلامك ومعاه أنفاسك ** وشوف كام ليلة بعيد عن ناسك
خايف لحظة يموت إحساسك ** وتتغير بك الاحـــــــــــوال
وعّد
سنين الغربة يا خال
عّد وعّد وياما تعد ** تبنى فلــوس ونفـوس بتّـــــــــهد
نسيت الابن وقبله الجد ** وتهت يا صاحبى بين الرجال
وعّد سنين الغربة يا خال
لو حتجرى جرى الوحوش ** وغير نصيبك ما تننلهوش
جايز الغربة تدى قروش ** لكن محــال راحـــة البــــال
عّد سنين الغربة يا خال
اعداد/ أشرف عبد المعين
مجلة صوت طوخ
العدد السابع والاخير2000
ليست هناك تعليقات:
إرسال تعليق
شارك برأيك