الاثنين، مارس 08، 2010

طــــــــوخي * وأ فـتـخــر


                                     محمد عبدالحميد محمد مرسي


قالوا أهه قرية      قلنا مدينة بكل حمــاس
قالوا بنحلـــــم      قلنا الحلم لكل النــــــــاس
قالوا فينـــــكم      قلنا المستقبل هو المقياس

صرف  وكوبري وكمان غاز      وادى المعمورة في النت خلاص
ولينا في الكورة والتعليم          وكفاية أخلاقنا ذي المـــاس
ومش هنتكلم على تاريخنا        دا تاريخنا خلاص بقى نبراس
حتى رموزنا في كل مكان           رمز وقدوة ورافعين الراس
بجد وحكمة وبإخلاص            طوخ هتبقي حكاية  للناس
قالوا لســـــــــــــــــــــه           قلنا بايدنا نحط أســــــــــاس
قالوا هنشوف قلنا شبابنا         وقت الجد كله حمــــــــاس
قالوا شـــــــــــــــــبابكم          رد شبابنا ومستناش
قالوا وقالوا وكمان قالوا         قلنا مش هنسمع للوسواس
ومهما قالوا ومهما عادوا       قلها انا طوخي وأرفع راسك بين الناس
قالوا أهه قــــــــــــــــرية        قلنا مدينة بكل حماس


      زجل  /  محمد عبدالحميد محمد مرسي    

ليست هناك تعليقات:

إرسال تعليق

شارك برأيك