يا بن التسعينات و القرن الجديد
تعالى احكيلك ع الماضي البعيد
احكيلك بالصورة و الشرح المفيد
عيشة جدي وجدك يمكن نستفيد
***************************
لو حد حكالك ع النورج قبل الآت الدريس اتفرج
الرسمة الحلوة دي لسة اثرها قاعد على بيتكم القديم .... بص اتامل و قول مبروك يا حج ابراهيم
و بص كمان على المحرات البلدي
شايف قماع السكر اللى ياما حكولك عليها ........ اتفضل خليها ذكرى
شايف دول اب و ام بيجهزوا لفرح ابنهم جايبين الطوب علشان يبنوله اوضه و جايبين صندوق العروسة و الحصير الاصلي كمان
جدتنا و هي بتخض اللبن بالقربة و تطلع احلى زبدة ........... حاجة ترم العضم صحيح
المركب وقفت و مفيش ريح يا رجاله ........ الريس بيقول انزلوا و شدوها و الشدة على الله
دي بقى محطة الاقصر عام 1934 بص كده يمكن تلاقى حد تعرفه
و في النهاية نشرب شاي بس مش أى شاى ........ نشرب شاي الشيخ الشريب و ده هدية لكل حبيب
*************************************************************
احمد نجيب
ليست هناك تعليقات:
إرسال تعليق
شارك برأيك