أحمد عبد النعيم يكتب: شكوتنا ليك يارب وللرسول
شكوتنا ليك يارب وللرسول
علشان اللى حاصل فينا دا شئ مش معقول
ننام ونصحا فى حيره ونسكت من الذهول
دا حصل فينا ليه ومين عليه مسئول
شكوتنا ليك يارب وللرسول
شكوتنا من علمائنااللى قسمولنا الدين
وخلو كل جماعه عن دينهم راضيين
خلونا ندبح بعض واحنا فرحانين
علشان نصرنا رأينا وكله باسم الدين
قسمونا شيعه وسنه وملل كتير تانين
كله يكره بعضه وشايف الباقى كافرين
وعلماء الدين يا حسره قاعدين ساكتين
شكوتنا ليك يا رب وللرسول
شكوتنا من مسؤولينا المسلمين
اللى عمرك متشوفهم غير مختلفين
وكل واحد فى مكانه عامل صلاح الدين
ولا هامه دين ولا شعب المهم مصلحته فين
ملعون ابوه الكرسى هيودينا لفين
شكوتنا ليك يا رب وللرسول
شكوتنا من انفسنا علشان نكون عادلين
دا احنا من عمايلنا سبقنا الشياطين
قاعدين ناكل فى بعض ولا فيه ضمير ولا دين
كدب وغيبه ونميمه المهم المصلحه فين
واخرتها نقول يا رب الغلب دا من فين
يارب ارحم عبيدك واجعلنا من الصابرين
وارفع عنا البلاء وجميع المسلمين
شكوتنا ليك يارب وللرسول
ليست هناك تعليقات:
إرسال تعليق
شارك برأيك