سبحان الله اتعجب من قنواتنا الفضائية واحوالها الغريبة العجيبة امبارح بافتح التلفزيون بالصدفة و إذا بى افاجأ باعلانات مسلسلات شهر رمضان الكريم
فسألت نفسى هو احنا فى اي شهر و سريعا هرولت الى النتيجة الورقية فوجدت انه باقى ثلاثة اشهر
فتعجبت و اخذت افكر و افكر و افكر و افكر وافكر حتى اهتديت الى السبب العجيب وراء هذا الاستعجال
باعلانات مسلسلات رمضان الا و هو الآتى:فقد خشيت القنوات الفضائية ان يفكر احد المشاهدين او ينوى من داخلة ان يغلق التلفزيون مع بداية شهر رمضان حتى لا ينجذب لاحد
هذه المسلسلات و يستطيع ان يتفرغ للعبادة او قراءة القران او الذكر و الصلاة فبادرت هذه القنوات بضربة مباغتة الى عقول المشاهين و لسان حالها يقول (( ها ها ها هاتغدى بيك قبل ما تتعشي بيه حاجيبك حاجيبك حربطك قدامى كل يوم بالساعات حاضيعلك وقتك في رمضان و حاخليك تطلع منه بلوشي يا خفيف وكل اللى حاعمله كام اعلان ظريف لطيف من غير هدوم من دلوقتى وانت حتتعلق بيهم وانت اللى حتدور عليهم فى رمضان و شعبان حتى ذو القعدة و اكتوبر و امشير))
شفتوا يا اخوانى الحرب الاعلامية ضدنا فى رمضان بدات من دلوقتى.
هذا للعلم واتخاذ جميع تدابير الامان و الاستعداد لهجمات مسلسلات و برامج و افلام رمضان سلمنا الله و ايكم وكل عام وانتم بخير..
احمد نجيب جاد
ليست هناك تعليقات:
إرسال تعليق
شارك برأيك