(حنين طوخي متغرب )
يلي اسراري وياكي
وفرحي وحزني جواكي
ف ليل الغربه بتمناكي
علي بالي يا طوخ
وحنتلك
حنتلك وباتخيلك صورة
تنورلي النني ف عيوني
اكبرها وابروزها
واعلقها في سما كوني
وخلي النجوم الدواره حراسك
انا من اهلك ومن ناسك
انا العاشق انا الناسك
والله لو اطول بدر السما
لاخليه تاج علي راسك
وحنتلك
حنتلك وباتخيلك دنيا ساعة شروق شمسك
ومغاربها
اولك عمل
ضحاكي عمل
وف عصاريكي الحب اكتمل
وف مغاربكي
شايف نسمه جايبه البدر علي جناحتها
علشان تنور سمواتك
عشان تفرح احيائك وامواتك
ويهل الليل علي غفله يا دنيايا
سامع نجم يغازلك
يا طوخ بيقلك
عاشقك يا قمرايا
انام وف بالي انتي
وناسي الم همي
مخلاص بقيتي ابويا وكمان عمي
مع ان اللي بيني وبينك
يا بلدي بلاد لكن سامع قلبك عليا بيسمي
وحنتلك
ليست هناك تعليقات:
إرسال تعليق
شارك برأيك