حامده و شاكره

(( ياللى سافرت و بعدت و ياللى عجبتك آه و بأه ومعلش ، تعالى افكرك بلهجة جدودك يمكن تحن ))

امبارح كنت مقعمز ع الطبلية مع العيال و اماكلى خابورين خبط الباب قلت مين محدش رد قلت ياد  فز قوم افتح الباب لقيت واحد شحط محط  من البوسطة واقف ووشه مزنهر م الحر وعنييه محمرة قلتله خير يابوالعم قاللى انت احمد قولتله ايو ياخي قاللى خد ليك جواب دانا حفيت لما اتلميت عليك دانا نعبشت عليك فى كل البلد لما وصلتلك . قلتلة من غير لت وعجن  جاي من فين القزين الجواب ؟ قاللى من سنترال لقصر يا فالح .
فتحنا الجواب لقينا فيه فاتوره مربربه و منيله وعاوزينا نسددوا
سبعومية جنية واحنا اساسا محدش اما يتصل منه الخربان .
المهم خدت بعيضتى و قفعت على لقصر و اسلقونى الموظفين تقول انا قتلت ابوهم : فينك يا حج ها حتسدد و نخلولك الخط وللا بردك حتسدد ونلغولك الخط . قلتلهم صلاة النبى عليكم يعنى كدة كدة غرمان . قلت امرى على الله تكيت القرشين و لغيت الخط و رجعت حامده و شاكره. 
                              احمد نجيب جاد