مبروك الاشهار

مبروك الاشهار
الحكاية بدت لما دم الشهدا وصل حدانا
شربت منه قلوبنا واراضينا ودمهم صحانا
خلانا نقول طز فيك يادنيا ياللي باوهامك لهيانا
طرشنا الخوف من جوافنا والرب كان ويانا

ياداخل طوخ اخلع نعليك فطوخ طاهرة نقية
شبابها عفي طاهر اسسوا ويا بعض جمعية
توحد كلمتهم ومتخليش ضهورهم ابدا مطية
لكم مني الف مليون تحية ياشباب طوخ الابية

ياسلام عليك ياطوخ الكل في عشقك أسير
ايه اللي يخلي يدين ناعمة تقاسي في التشجير
وايه اللي يخلي ناظر ولا شيخ عرقه يملا بير
وايه اللي يخلي ارزقي يبقي متطوع مش اجير

مبروك علينا وعليكم الاشهار
بعد سواد الليل لازم يطلع النهار
وطول مع الحق دايما حنفضل احرار
ايدنا في ايد بعض نكمل المشوار

                          حمدي غالب